Yr Ystafelloedd Addysg
Diddordeb mewn ymweld â Wastesavers?
Cynhelir y gwasanaeth gan athrawon profiadol sy’n anelu i fodloni eich anghenion yn gysylltiedig â’r cwricwlwm. Mae’r profiad newydd yn cynnwys ymgolli mewn podiau rhyngweithiol sy’n esbonio ffeithiau am ddeunyddiau ailgylchu, fel: gwydr, metel, plastig, papur a thecstilau. Y gynulleidfa darged yw plant 7 – 8 oed a fydd yn dod i sesiwn hanner diwrnod a arweinir gan ein tîm addysg. Bydd yr holl blant ysgol yn dod i’r sesiwn gyda’u hathro a chynorthwyydd.
Ymweliadau Ysgol
Y Nod Dysgu Cynradd: Dysgu pwysigrwydd ailgylchu er budd y blaned a sut y caiff gwahanol ddeunyddiau eu hailgylchu.
Y Nod Dysgu Uwchradd: O ble y daw deunyddiau.
Yr Ystafelloedd Addysg
Cyflawnir y nodau hyn drwy'r profiadau dysgu canlynol:
Adnabod a didoli deunyddiau
Sut y caiff caniau a phlastigau eu gwahanu'r naill oddi wrth y llall drwy ddefnyddio magnedau a didolwyr. Gallwch weld y dechnoleg ar waith yn ein ffatri ailgylchu!
Gwahanu deunyddiau i'w hailgylchu
Pa mor bwysig yw cadw deunyddiau i'w hailgylchu ar wahân er mwyn lleihau halogiad. Nid yw ein hailbroseswyr am weld darnau o wydr yn eu cardbord!
Sut mae'n cael ei ailgylchu
Dilynwch daith pob eitem a gaiff ei hailgylchu - o'r can alwminiwm syml - y gellir ei ailgylchu'n ddiddiwedd - hyd at ddysgu sut mae troi gwastraff bwyd yn ynni!
